كيف أضبط قوام الكنافة النابلسية في فرن الغاز المنزلي؟

يا جماعة، اشتقت للكنافة النابلسية والفرن عندي هنا غاز عادي مش زي أفران المحلات، كيف ممكن أضمن تحميرها بالتساوي وتطلع الجبنة بتمط زي ما بنحب؟

لازم تحط صينية تحت صينية الكنافة عشان توزيع الحرارة يكون أبطأ وما تحترق من تحت.

نصيحة جرب تدهن الصينية بالسمن البلدي كويس وتغطيها بصينية تانية أول عشر دقايق.

شو نوع الجبنة اللي بتستخدمها؟ الجبنة العكاوي لازم تنقعها وتغسلها كويس عشان تضبط.

جربت تستخدم صبغة الكنافة؟ بتعطي لون احترافي حتى لو الفرن بسيط.